အသီးတစ်ရာ၊ အညှာတစ်ခု
အသီးတစ်ရာ၊ အညှာတစ်ခု ဆိုတဲ့ကမ္ဘာ့ ဘာသာများ လေ့လာခြင်းနှင့် ဘာသာတရားများ ကိုးကွယ် ယုံကြည်သူတွေ ကြားဆွေးနွေး ဖလှယ် ခြင်း အစီအစဉ်ကို ၁၉၉၅ ခုနှစ် ကတည်း က Radio Veritas Asia က ထုတ်လွှင့် ခဲ့ပါသည်။
လူသားတွေရဲ့ ယုံကြည်ချက်များကို နားလည် သဘော မပေါက်ဘဲ၊ လူဆိုတဲ့ သတ္တ၀ါ အကြောင်း ဘယ်သူမှ နားမလည်နိုင်ပါလို့ အဆို ရှိထားတဲ့ အတိုင်း ဘာသာတရားများ အကြောင်း လေ့လာပြီး လူ သတ္တ၀ါဆိုတဲ့ မိမိကိုယ် မိမိ နားလည် သိရှိဖို့ အပြင် မိမိနှင့် ယုံကြည် ကိုးကွယ်မှု မတူတဲ့ တပါးသူတွေကို နားလည် လက်ခံနိုင်ဖို့ ဦးတည်ချက် တစ်ခု ဖြစ်တယ်။
ကောင်းမွန်တဲ့လောက ကမ္ဘာသစ်နဲ့ အစ ပြုတယ်၊လို့ပြောစမှတ် ရှိတဲ့ အတိုင်း၊ ဘာသာ တရား များကိုလေ့လာလို့ သိရှိလာတဲ့ အတိုင်း တခြားသူများအား နားလည် လက်ခံလာနိုင်မှုနဲ့ အတူတကွ ပူးပေါင်းကာ၊ လုပ်ဆောင်သင့်တာ တွေကို လုပ်ဆောင်ကြမယ် ဆိုရင် မနက်ဖြန်ရဲ့ကောင်း မွန်တဲ့ ကမ္ဘာကို တည်ဆောက်ရာမှာ အုတ်တစ်ချပ်၊ သဲတစ်ပွင့် ကျွန်တော်တို့က အစပြု၊ ပါဝင် နိုင်ဖို့ ဖြစ်ပါတယ်။
ကမ္ဘာ့ ဘာသာတွေ စုပေါင်းပြီး ဦးတည်ချက် တစ်ခု အကောင်အထည်ဖော်ဖို့ အတွက် ဆွေးနွေး ညှိနှိုင်း လာကြတာ ၊နှစ်ပေါင်း ၂၀၀ ကျော်တော့မှာဖြစ်ပေမယ့်၊ ကျွန်တော်တို့ ခေတ်မှာ တော့ အလွန် အမင်းနှောင့်နှေးနေပါသေး တယ်ဆိုရင် မမှားပါဘူး။
ကျွန်တော်တို့ မြန်မာနိုင်ငံမှာ ဘာသာ ပေါင်းစုံမှ ဘာသာဝင်တွေ၊ အတူတကွလေ့လာ ဆွေးနွေး ညှိနှိုင်း ဖလှယ်မှု၊ ဆိုတာ Inter religious Dialogue ကို စနစ်တကျ ကျယ်ကျယ်ပြန့်ပြန့် အကောင် အထည်ဖော်နိုင်ဖို့ မြေစမ်း ခရမ်းပျိုးခြင်းဖြစ်ပါတယ်။ အထူးသဖြင့် တစ်ဦးကို တစ်ဦး သိရှိ နားလည်လေးစား လက်ခံ ရိုသေကာ၊အများကို အတူတကွ အကျိုးထိရောက် စွာ ပူးပေါင်းလုပ်ဆောင်စေဖို့ ပင် ဖြစ်ပါတယ်။
- အချုပ်အားဖြင့်ပြောရရင်တော့ လူ တွေအား လွတ်မြောက်မှု ( ငြိမ်းချမ်းမှုပေးတဲ့ မှန်ကန်ခြင်း) သစ္စာ တရားကို သိရှိနားလည်ဖို့
- ယုံကြည် သက်ဝင်မှု မတူ၊ ဂိုဏ်းဂဏ မတူကြတဲ့ ညီအစ်ကိုမောင်နှမများ အကြောင်း သိရှိနား လည်ပြီးသွေးစည်း ညီညွတ်စွာ ဦးတည်ချက် တစ်ခုကို အကောင်ထည်ဖော် လုပ်ဆောင်ဖို့ ဖြစ်ပါတယ်။
- ဘာသာရေးဆိုတာ အထိမခံရွှေပုဂံ အလွန်နူးညံ့ သိမ့်မွေ့တဲ့အရာဖြစ်ပါတယ်။ အ ထူးသဖြင့် မိမိ မကိုးကွယ်ပဲ လေ့လာ သင်ယူနေတဲ့ ဘာသာတရားရဲ့ အကြောင်း ပြောဆိုရတဲ့ အခါမှာ အလွန် ခက်ခဲနက်နဲ လှပါတယ်။ ဒါကြောင့် ဒီစာကိုရေးသားတဲ့ အခါမှာ စကားလုံး အသုံး အ နှုန်းကြမ်းတမ်း ရိုင်းဆိုင်း သွားခြင်းများ၊ မှားယွင်း ခြင်းရှိပါက စာဖတ်သူများအနေဖြင့် နားလည် သည်းခံ ခွင့်လွတ်ပါရန် ဦးစွာ မေတ္တာ ရပ်ခံလိုပါသည်။ ဘာသာတရားများ အကြောင်းနဲ့ မြန်မာ ဘာသာ စကားကို လေ့လာ အတွေ့ အကြုံ ယူဆဲ ဖြစ်တဲ့ အပြင် ဘာသာစကားကနေ မြန်မာမှုပြုတဲ့အခါ တစ်ချို့ ဝေါဟာရတွေကို ဘာသာရေး စကား နဲ့ အံဝင်ခွင်ကျ မတွေ့နိုင်လို့ လိုအပ်ချက် လွှဲမှားမှုများလည်း ရှိနေမှာ အမှန်ပင်။ ကျွန်တော့် အ နေနဲ့ မြန်မာဘာသာ စကားနဲ့ တစ်ခုတည်း သော ကက်သလစ် ခရစ်ယာန်ရေဒီယိုဌာနမှာ အမှုထမ်းနေရပေမဲ့ တစ်ယူသန်၊ တစ်ဖက်သတ် သ ဘောဆောင်တာ မရှိပါဘူး။ ကျွန် တော့်ရဲ့ အမြင် ခံယူချက်နဲ့ တိုင်းပြတိုင်း ကျွန်တော့်အမြင်သာ မှန်သည်လို့ မဆိုလိုပါဘူး။ ဒီထက် ယုတ္တိရှိတဲ့၊ သည်ထက်မှန်တဲ့ အမြင်ရှိရင်လည်း တင်ပြ ဆွေး နွေးစေလိုပါသည်။ အမြဲတမ်းကြိုဆို လက်ခံလျက် ရှိပါသည်။ ဆိုလိုတာက ကျွန်တော် လက်လှမ်းမှီ သလောက်လေ့လာစမ်း စစ်ပြီး နားလည်သည့် အတိုင်း ရှင်းလင်း တင်ပြတာဖြစ်သည့် အတွက် စာဖတ်သူတို့ သ ဘောတူညီတာလည်း ရှိမှာဖြစ်သလို သဘော မတူတာလည်း ရှိမှာဖြစ်တယ်လို့ ဆိုလိုချင်ပါတယ်။ နူညံ့ သိမ်မွေ့ နက်နဲ့လှတဲ့ အားလုံးသော ဘာသာတရားများနဲ့ ပက်သက်ပြီး ယေဘုယျ သဘောတရားများ ကွဲပြားခြားနားချက်များကို ဖတ်ရှုရတဲ့ အခါမှာ၊ တင်ပြချက်တွေက နုနယ်သေးတယ်လို့ ယူဆ၍လည်း၊ သူ့အတိုင်း အဆနဲ့သူ ရှိမှာပေါ့ ဆိုပြီး နားလည်ပေးစေလိုတယ်။ အစဉ် ပြေလို့ ဗဟုသုတ ရတယ်။ ဆင်ခြင်စရာ တွေ ရရှိသွားတယ် ဆိုရင်လည်း ဆက်လက် ဖတ်ရှု့ရင်းနဲ့ အားပေးပါလို့ တောင်းခံခြင်းဖြစ်ပါတယ်။
ဘာသာတရားတိုင်းမှာ အယူအဆရေးရာ အရ မတူညီမှုတွေ အသီးသီးရှိကြပါတယ်။ ဘယ်ဘာသာ၊ ဘယ်ဂိုဏ်းရဲ့ အယူအဆပဲဖြစ် ဖြစ်၊ သက်ဆိုင်ရာ ဘာသာရဲ့အယူ အဆတစ်ရပ် အနေနဲ့သာ တင်ပြမှာဖြစ်ပါတယ်။ ဘာသာပေါင်းစုံ၊ ဂိုဏ်းပေါင်းစုံအကြောင်းပြောဆိုလေ့လာတဲ့အခါ openmind လို့ ပြောတဲ့ ဖွင့်ထားသော နှလုံးသားရှိဖို့ လိုတယ်လို့ ဆိုပါတယ် ။
ဖွင့်ထားတဲ့ စိတ်နှလုံးသားရှိတဲ့ သူတိုင်းဟာလည်း အယူဝါဒ အမျိုးစုံ၊ ဒဿန အဖုံဖုံကို လေ့လာတဲ့သူ ဖြစ်တယ်လို့ ပြောကြပါတယ်။
ဖွင့်ထားတဲ့ စိတ်နှလုံးသားဆိုတာက ဖွင့်ထားတဲ့ တံခါးပေါက်ရှိတဲ့ အိမ်နဲ့ တူပါတယ်။ ဖွင့်ထားတဲ့ တံခါးပေါက်ရှိတဲ့ အိမ်ဟာ ရောက်လာ တဲ့ ဧည့်သည်ကို ဖိတ်ခေါ် လက်ခံခြင်း ရှိသလို၊ ဖွင့်ထားတဲ့ စိတ်နှလုံးသားရှိတဲ့ သူဟာ ရောက် လာတဲ့ အတွေးအမြင် အယူအဆကို ဖိတ်ခေါ် ဆန်းစစ်လေ့လာတဲ့ သဘော ရှိပါတယ်။
ပိတ်ထားတဲ့ စိတ်နှလုံးသားရှိတဲ့ သူဟာ အယူဝါဒ တစ်စုံတစ်ခုကို နှီးနှောလက်ခံ သိမ်းပိုက် ထားပြီးတဲ့နောက် မိမိနဲ့မတူတဲ့ အ ခြားသော အယူဝါဒတွေကို ပုတ်ခတ်လို့ ပဲဖြစ်ဖြစ်၊ အပြစ်တင်ဖို့ပဲဖြစ်ဖြစ် လေ့လာ ရှာဖွေသူတို့ ဖြစ်ပါတယ်။ ဖွင့်ထားတဲ့ နှလုံးသားရှိတဲ့ သူဟာ ရိုးသားပြီး အား ဂလိကို မလိုလားသူဖြစ်ပါတယ်။ တည့်မတ်တဲ့ စိတ်ထားနဲ့ လောက သဘာဝကိုစူး စမ်းတတ်ပါတယ်။ ဖွင့်ထားတဲ့နှလုံးသားက တော့ မိမိကိုယ်တိုင် ဘာသာ အယူဝါဒတစ်စုံ တစ်ခုကို လက်ခံထားပေမဲ့ ဘာသာအယူဝါဒ အပြင် အ ခြားသော အယူဝါဒများကိုလည်း နားလည် သဘောပေါက်အောင်လေ့လာ တတ်သူဖြစ်ပါတယ်။ စိတ်နှလုံးသား ကြီးသူ ဖြစ်ပါတယ်။
“အသီးတစ်ရာ အညှာတစ်ခု”ကို ဖွင့် ထားတဲ့နှလုံးသားနဲ့ ဖတ်ရှု့ပြီး၊ လူသားအချင်းချင်း တစ်ဦးကို တစ်ဦး နားလည် လက်ခံကြပါစို့။ နားလည် လက်ခံမှုနဲ့ အတူ စုပေါင်း ညီညွတ်မှုနဲ့ ငြိမ်းချမ်း ရေးကိုဆောင်ကြဉ် ကြပါစို့။
ခွန်အား
